U domie na vulicy Lenina ŭ Minsku, dzie zdaryŭsia pažar, pačali mantavać časovy dach
Hazazabieśpiačeńnie i vodazabieśpiačeńnie va ŭsich padjezdach adnoŭlenyja.
Budaŭniki vyvieźli 715 kubamietraŭ abharełych i nieprydatnych dla adnaŭleńnia kanstrukcyj i prystupili da mantažu časovaha dachu ŭ domie na vuł. Lenina, 9, jaki paciarpieŭ pry pažary. Pra heta paviedamiŭ namieśnik staršyni Minharvykankama Alaksandr Černikaŭ Minsk-Navinam.
Taksama adna z metaŭ — adnavić padaču elektraenierhii.
«U budynku zamianili kabielnyja linii, aŭtamatyčnyja vyklučalniki i adnavili ščytavyja pryłady, jakija byli paškodžanyja padčas pažaru, praviali sušku kvaternych ščytkoŭ. Darečy, śviatło ŭžo jość u druhim, trecim i čaćviortym padjezdach, ale pakul tolki da treciaha paviercha. U pieršym padjeździe pracujem nad tym, kab adnavić padaču elektraenierhii taksama da treciaha ŭzroŭniu», — raskazaŭ dyrektar ŽKH Leninskaha rajona Minska Dźmitryj Jelisiejeŭ.