Rasija čatyry hady biła pa ŭkrainskich CEC i NPZ, a ciapier nazyvaje ŭkrainskija ŭdary pa ich «teraryzmam»
«U hetym absalutna vidavočnaja terarystyčnaja prajava kijeŭskaha režymu», — zajaviŭ Dźmitryj Piaskoŭ.
Ukrainski dalnabojny ŭdarny bieśpiłotnik «Luty». Fota Militarnyi
«Udary kijeŭskaha režymu pa terytoryi Rasii nosiać terarystyčny charaktar. Abjekty enierhietyki i cyvilnaj infrastruktury, jakija traplajuć pad ataki, nie majuć dačynieńnia da vajskovaj pramysłovaści», — zajaviŭ pres-sakratar prezidenta Rasii Dźmitryj Piaskoŭ u intervju telekanału «Rośsija».
«Kijeŭski režym nanosić udary pa abjektach našaha enierhietyčnaha kompleksu, pa abjektach cyvilnaj infrastruktury, jakaja, ułasna, da vajskovaha kompleksu, da VPK nie maje nijakaha dačynieńnia. U hetym absalutna vidavočnaja terarystyčnaja prajava kijeŭskaha režymu».
USU pavialičyli kolkaść udaraŭ pa cyvilnych abjektach praz paharšeńnie stanovišča na froncie, ličyć Piaskoŭ.
U toj ža čas Rasija ŭsiu zimu 2025—2026 hadoŭ nanosiła rakietna-dronavyja ŭdary pa ciepłaelektracentralach Ukrainy i abjektach elektrasietak, u spadziavańni zamarozić harady. Udary ž pa naftapierapracoŭčych zavodach Ukrainy nanosilisia ad 2022 hoda.
Ukraina raspačała anałahičnuju kampaniju ź viasny 2026, u vyniku čaho ŭ Rasii ŭźnik vostry deficyt paliva.
Na videa nižej — pałaje naftapierapracoŭčy zavod u Kapotni pad Maskvoju.