«Heta ŭžo pierabor». Minčanka znajšła ŭ buciku Zara kłatč ź ćvillu

Minčanka Hanna paskardziłasia ŭ Threads na rezkaje paharšeńnie jakaści tavaru ŭ kramie papularnaj sietki bucikaŭ Zara ŭ handlovym centry Dana Mall. Jaje aburyŭ kłatč ź ćvillu na ŭnutranaj prašyŭcy kala małanki, piša Blizko.by.

Žančyna taksama paskardziłasia na jakaść inšych rečaŭ u kramie. Pavodle słoŭ minčanki, u hetaj kramie jana nieadnarazova zaŭvažała złamanyja i brudnyja rečy, a taksama abutak roznaha pamieru ŭ adnoj karobcy.

«Ale ćvil — heta ŭžo pierabor», — emacyjna zajaviła karystalnica.

Posmotrieť v Threads

U kamientaryjach vyśvietliłasia, što mnohija naviedvalnicy kramy niezadavolenyja jakaściu rečaŭ u hetaj kramie, u pryvatnaści paćvierdzili najaŭnaść ćvili na sumcy. Takija paražeńni źjaŭlajucca z-za sporavych hrybkoŭ, jakija prarastajuć pry vysokaj vilhotnaści (bolš za 60-70%), drennaj vientylacyi i ciaple. Spory asiadajuć na materyjale, siłkujučysia reštkami pyłu, potu abo kremu. Jany aktyŭnyja i mohuć pravakavać alerhiju, astmu i skurnyja reakcyi.

Kamientary da artykuła