Wildberries paśla ŭkrainskich atak vydaliŭ raździeł «Usio dla SVA»
Paśla sieryi atak ukrainskich bieśpiłotnikaŭ na svaje składy rasijski markietpłejs Wildberries, jak vyhladaje, prybraŭ sa svajho mabilnaha dadatku raździeł «Usio dla SVA», u jakim pradavalisia tavary, što mohuć vykarystoŭvacca rasijskimi vajskoŭcami padčas vajny va Ukrainie.
Pažar składa Wildberries kala Elektrastali pad Maskvoj
U sacyjalnych sietkach raspaŭsiudžvajucca skrynšoty, jakija śviedčać, što hety raździeł bolš nie adlustroŭvajecca ŭ dadatku. Vydalenyja i adpaviednyja tehi.
Raniej u im možna było znajści taktyčnaje adzieńnie, elemienty ekipiroŭki, ryštunak i inšyja tavary. Pavodle samoj kampanii, asartymient naličvaŭ dziasiatki tysiač pazicyj ad roznych pradaŭcoŭ.
Možna mierkavać, što vydaleńnie raździeła niepasredna źviazana ź niadaŭnimi atakami na łahistyčnyja abjekty Wildberries. Praŭda, sami adpaviednyja tavary, jak adznačajecca, usio adno zastalisia, prosta ich pradajuć u zvyčajnych, «mirnych» raździełach. Naprykład, broniekamizelki pradajuć u raździele «Sport», a FPV-drony — u raździele «TB, Aŭdyjo, Fota, Videatechnika».
Čytajcie taksama:
Ukrainskija bieśpiłotniki atakavali skład Wildberries u Jekaciarynburhu
Na składach Wildberries zhareli rečy viadomaj biełaruskaj dyzajnierki