U centry Minska vystavili na prodaž viadomy bar
U histaryčnym centry Minska pradajuć viadomy bar-restaran «Biassońnica». Abjava źjaviłasia na placoŭcy Realt.
Ustanova pracuje na vulicy Hiercena z 2012 hoda. Bar śpiecyjalizujecca na načnym farmacie raboty i štodnia adkryty z 19:00 da 05:00. Za abjekt prosiać 745,5 tysiačy rubloŭ (kala 255 tysiač dalaraŭ pavodle aktualnaha kursu).
U abjavie paznačana, što restaran znachodzicca ŭ adnoj z samych prachadnych łakacyj horada. U košt uvachodzić kruhłahadovaja terasa płoščaj 95 kvadratnych mietraŭ, a taksama vonkavaja letniaja terasa płoščaj 97,8 kvadratnaha mietra.
«Restaran u najlepšym miescy Minska», havorycca ŭ abjavie.