Stvaralnik Claude pryciahnuŭ rekordnyja 81,3 miljarda dalaraŭ pry vychadzie na biržu
Kampaniju Anthropic acanili ŭ 1,5 tryljona dalaraŭ. Jaje pieršasnaje raźmiaščeńnie akcyj stała najbujniejšym u historyi, pierasiahnuŭšy rekord SpaceX, piša Reuters.
Kampanija Anthropic, jakaja raspracoŭvaje čat-bot Claude, praviała najbujniejšaje ŭ historyi pieršasnaje raźmiaščeńnie akcyj — IPO. Jana pryciahnuła 81,3 miljarda dołaraŭ, pierasiahnuŭšy rekord SpaceX Iłana Maska, ustalavany ŭ červieni.
Akcyi pradali pa 83 dołary — daražej, čym płanavali pieršapačatkova. Praz vysoki popyt kampanija taksama pavialičyła kolkaść akcyj na prodaž. Acenka Anthropic dasiahnuła 1,5 tryljona dołaraŭ.
Asobna kampanija pryciahvaje jašče 26 miljardaŭ dołaraŭ praz pryvatny prodaž akcyj. Razam abiedźvie ździełki pryniasuć joj 107 miljardaŭ. Tarhi na Nasdaq pavinny pačacca 19 listapada.
Popyt na Claude, asabliva na instrumient dla prahramavańnia Claude Code, chutka raście. Ale razam z dachodami pavialičvajucca i vydatki: Anthropic užo ŭziała na siabie abaviazacielstvy vydatkavać amal 900 miljardaŭ dołaraŭ na vyličalnyja mahutnaści.
Tamu rekordny prodaž akcyj jašče nie zdymaje hałoŭnaha pytańnia inviestaraŭ: ci zmohuć dachody ad štučnaha intelektu apraŭdać vielizarnyja ŭkładańni ŭ jaho.