Za minuły tydzień u Biełarusi patanuła 138 čałaviek
Za minuły tydzień, z 19 pa 25 lipienia, u Biełarusi ad papadańnia vady ŭ dychalnyja šlachi zahinuła 138 čałaviek, u tym liku siem niepaŭnaletnich.
Jak paviedamili BiełaPAN u Biełaruskim respublikanskim tavarystvie ratavańnia na vodach (Asvod), 113 čałaviek patanuli niepasredna pry kupańni ŭ vadajomach.
Razam z tym 83 čałavieki ŭdałosia vyratavać, a taksama papiaredzić prykładna 800 trahiedyj na vadzie.Śpiecyjalisty adznačajuć, što pryčyna bolšaści zdareńniaŭ — parušeńnie praviłaŭ biaśpiečnych pavodzin na vadzie. Akramia taho, mnohija z patanułych znachodzilisia ŭ stanie ałkaholnaha apjanieńnia.
Na minułym tydni ŭ vadzie zahinuli dvoje dvuchhadovych dziaciej. Tak, u vioscy Stary Dvor Pastaŭskaha rajona Viciebskaj vobłaści pa niedahladzie baćkoŭ chłopčyk upaŭ u adkryty luk palivačnaha kałodzieža i patanuŭ. U Kryčavie Mahiloŭskaj vobłaści dvuchhadovaja dziaŭčynka patanuła ŭ nadzimanym basiejnie, zastaŭšysia biez nahladu baćkoŭ.
Usiaho z pačatku hoda pa 25 lipienia ŭ Biełarusi patanuli 747 čałaviek, uklučajučy 58 niepaŭnaletnich.
Za anałahičny pieryjad minułaha hoda — 474 čałavieki, uklučajučy 60 dziaciej. Nahadajem, z 12 pa 18 lipienia ŭ krainie patanuła 145 čałaviek. Hety pieryjad staŭ rekordnym pa kolkaści patanułych za apošnija 30 hadoŭ. Razam z tym z pačatku hoda 564 čałavieki rabotnikam Asvoda ŭdałosia vyratavać (540 — letaś).