«Tarpieda» Žodzina nie źbirajecca zdavacca

U subotu, 18 vieraśnia, byli zhulanyja čatyry z šaści matčaŭ 25-ha tura čempijanatu Biełarusi pa futbole ŭ vyšejšaj lizie.

Na staličnym stadyjonie «Dynama» FK «Minsk» pieramoh «Nioman» ź likam 2:0, a žodzinskaje «Tarpieda» vyjhrała ŭ «Viciebska» ŭ haściach — 1:0 i pakinuła zonu vyletu, uźniaŭšysia na 10-je miesca.

Jašče dva vyniki dnia: «Biełšyna» — «Dniepr» — 1:1, «Naftan» — «Dynama» Brest — 1:0.

Zaklučnyja dva matčy tura projduć u niadzielu.

Aŭtsajder pieršynstva «Partyzan» prymie na «Traktary» čempijona krainy barysaŭski BATE (pačatak matča, a 16-j), a ŭ Salihorsku «Šachcior» zhulaje ź minskim «Dynama» (pačatak, a 17-j). Hetuju hulniu budzie pakazvać u žyvym efiry telekanał STV.

Stanovišča kamandaŭ: BATE — 54 (23 hulni), FK «Minsk» — 51 (25), Šachcior — 45 (24), Dynama Minsk — 43 (23), Biełšyna — 37 (25), Dynama Brest, Dniepr — 32 (pa 25 hulniaŭ), Viciebsk — 22 (25), Tarpieda Žodzina — 20 (25), Nioman — 18 (25), Partyzan — 14 (24).

U sieradu, 22 vieraśnia, u Barysavie budzie zhulany prapuščany matč 20-ha tura pamiž BATE i minskim «Dynama».

Kamientary da artykuła