18 hadoŭ turmy za zabojstva, ździejśnienaje druhi raz

Žychar Kalinkavičaŭ, jaki ŭčyniŭ naŭmysnaje zabojstva, adsiedzieŭšy ŭ turmie za anałahičnaje złačynstva, pryhavorany Homielskim abłasnym sudom da 18 hadoŭ pazbaŭleńnia voli, paviedamili ŭ abłasnoj prakuratury.

Pryhavor nie byŭ abskardžany i nabyŭ zakonnuju moc.

Zhodna z materyjałami spravy, 36-hadovy rabočy Kalinkavickaha lashasa ŭ lutym 2010 hoda, znachodziačysia ŭ stanie ałkaholnaha apjanieńnia, padčas svarki, jakaja ŭźnikła paśla raśpivańnia śpirtnych napojaŭ z 35-hadovym kaleham,

nanios jamu 36 udaraŭ nažom u vobłaść hałavy, šyi, hrudnoj kletki i žyvata.

Ad atrymanych ranieńniaŭ mužčyna pamior na miescy.

U sudzie było ŭstanoŭlena, što pryčynaj zabojstva źjaviłasia złoŭžyvańnie śpirtnymi napojami ŭ dzień učynieńnia złačynstva jak asudžanym, tak i jaho achviaraj. Paśla zaviaršeńnia pracoŭnaha dnia jany ź inšymi rabotnikami pradpryjemstva raśpili šeść plašak harełki, a zatym pradoŭžyli raśpivańnie śpirtnoha pa miescy žycharstva asudžanaha.

Pavodle zaklučeńnia sudova-psichijatryčnaj ekśpiertyzy, zabojca pakutuje na psichičnaje rasstrojstva ŭ formie lohkaj razumovaj adstałaści, i jamu naohuł procipakazana ŭžyvańnie śpirtnoha. Jon žyŭ adzin, zamknuta, nie maje siabroŭ, ničym nie zachaplajecca.

Byŭ asudžany ŭ 2005 hodzie taksama za zabojstva. Tady sud pryhavaryŭ jaho da vaśmi hadoŭ pazbaŭleńnia voli, ale zabojca byŭ vyzvaleny ŭmoŭna-daterminova.

Prakuratura zrabiła vyvad, što administracyjaj Kalinkavickaha lashasa i kryminalna-vykanaŭčaj inśpiekcyjaj Kalinkavickaha RAUS, a taksama ŭčastkovym inśpiektaram nie pravodziłasia nieabchodnaja prafiłaktyčnaja praca, što i paspryjała ŭčynieńniu asudžanym recydyŭnaha zabojstva.

Kamientary da artykuła