Reziervovaja terytoryja Minska składaje kala 24 tysiač hiektaraŭ

Pra hetya paviedamiŭ dyrektar prajektna-daśledčaha KUP «Minskhrad» Alaksandr Piatroŭ, vystupajučy na mižnarodnaj navukova-praktyčnaj kanfierencyi «Resursy bujnych haradoŭ — resursy sacyjalna-ekanamičnaha raźvićcia rehijonu i krainy» 7 kastryčnika ŭ Minsku.

«Heta nie aznačaje, što ŭsie hetyja terytoryi buduć asvojenyja ŭ najbližejšyja hady, heta hraničnaja vieličynia horada. Da 2015 hoda z dadzienaj terytoryi budzie asvojena 3,5 tys. hiektaraŭ», — skazaŭ Piatroŭ. Jon adznačyŭ, što Minsk źjaŭlajecca adnoj z samych kampaktnych jeŭrapiejskich stalic,

jaho płošča siońnia składaje 308 kv. km.

Piatroŭ adznačyŭ, što, zhodna sa skarekciravanym hienieralnym płanam Minska, da 2015 hoda ŭ horadzie budzie žyć 1,9 młn. žycharoŭ, da 2030-ha — 2 młn. Pry hetym płošča žyłoha fondu stalicy padvoicca — da 62 młn. kv. m. U raźliku na adnaho žychara zabiaśpiečanaść žyłpłoščaj uzraście z 19,5 kv. m siońnia da 31 kv. m u 2030 hodzie. Piatroŭ nahadaŭ, što ŭ čarzie na palapšeńnie žyllovych umoŭ znachodzicca bolš čym 250 tys. čałaviek. Štohod płanujecca ŭvodzić 1,2 młn. kv. m žylla.

Jak adznačyŭ u svaim dakładzie staršynia Minharvykankama Mikałaj Ładućka, za miežami MKAD budzie asvojena prykładna 30 tys. hiektaraŭ. «Stvaryć tam sučasnuju inžynierna-transpartnuju infrastrukturu, pabudavać darohi, balnicy, škoły, hramadskija i handlovyja centry. I samaje hałoŭnaje — pabudavać novaje kamfartabielnaje žyllo dla haradžan», — adznačyŭ Ładućka.

Kamientary da artykuła