Śviatłana Aleksijevič: My na parozie cudu
Jury Drakachrust: Spadarynia Śviatłana, niekalki miesiacaŭ tamu Vy ŭdzielničali ŭ našym «Praskim akcencie» z Hienadziem Buraŭkinym, i tady Vy kazali, što nijakich alternatyvaŭ Łukašenku i blizka niama, chiba Kazulin – kazali Vy tady i dadavali, što chutčej za ŭsio i jon takuju alternatyvu nie stvaraje navat tearetyčna. Jakija ŭ Vas ŭražańni ciapier?
Jury Drakachrust: Spadarynia Śviatłana, niekalki miesiacaŭ tamu Vy ŭdzielničali ŭ našym «Praskim akcencie» z Hienadziem Buraŭkinym, i tady Vy kazali, što nijakich alternatyvaŭ Łukašenku i blizka niama, chiba Kazulin – kazali Vy tady i dadavali, što chutčej za ŭsio i jon takuju alternatyvu nie stvaraje navat tearetyčna. Jakija ŭ Vas ŭražańni ciapier?
Śviatłana Aleksijevič: Ja ŭžo kala dvuch miesiacaŭ u Biełarusi, krychu jeździła pa vioskach, pa nievialikich haradach, dniami viarnułasia z Mahilova. Voś my siadzim u Mahilovie ŭ zali, čałaviek sto, i na ścianie visić partret Milinkieviča.
I ja hladžu na hetyja dobryja tvary — pryjšła dobraja publika z užo zabytymi tvarami: nastaŭniki, miascovaja intelihiencyja — i na ścianie visić hety partret. I ŭ mianie adčuvańnie, što ja ci to ŭ Polščy, ci to ŭ Čechii. Ja baču, što źjaviŭsia hodny, narmalny čałaviečy tvar. Jon adpaviadaje i času, i dramatyčnym padziejam, jakija ŭ nas adbuducca niezaležna ad taho, źmienicca hetyja ŭłada ci zastaniecca. U jahonaj plastycy, zabytaj u nas intelihientnaści dla mianie jość peŭnaja nadzieja.
Ja čuła aŭdytoryju i bačyła, što napracavanaja ŭžo biełaruskaja prastora, da mianie padychodzili maładyja ludzi, jany raspaviadali mnie, jak jany šukali ślady paŭstańnia Kalinoŭskaha. Jany ŭsie havorać pa-biełarusku.
Vidać, što raście masa hetych ludziej. I źjaŭlajecca hety tvar, na jakim fakusujucca čakańni lepšaj častki hramadztva. Čakała hramadztva Łukašenku – jano jaho i atrymała. A ciapier hramadztva poŭnaje novych čakańniaŭ, jašče nieasensavanych, schavanych. I hetaja postać jość.
Ja nia viedaju, ci adbudziecca hety cud zaraz, ja ŭ hetym niejak mała ŭpeŭnienaja. Chacia ja razmaŭlała z ukrainskimi intelektuałami, jany za miesiac da revalucyi kazali, što nia vierać u jaje mahčymaść. Ale raptam uźnikaje niejki novy chimičny element...
Pavodle svaboda.org.
Fota