Adnaviŭ pracu sajt Chartyi-97

Viečaram 26 śniežnia adnaviŭ paŭnavartasnuju pracu sajt charter97.org.

Nahadajem, tydzień tamu, ranicaj 20 śniežnia, u ofisie sajta byli zatrymanyja hałoŭny redaktar Natalla Radzina i vałanciory. Paśla Radzina była pryznana adnoj z padazravanych (usiaho ich ciapier 23) pa kryminalnaj spravie ab masavych biesparadkach u Miensku viečaram 19 śniežnia (art. 293 KK). Ciapier jana znachodzicca ŭ SIZA KDB. Vałanciory atrymali roznyja terminy administracyjnaha aryštu.

Paśla zatrymańnia Radzinaj i vałancioraŭ kolkaść navin, što raźmiaščalisia na sajcie, pamienšyłasia da adnoj-troch u sutki. Chto zaraz zajmajecca napaŭnieńniem sajta, nieviadoma.

***

Na prezidenckich vybarach-2010 sajt, stvorany ŭ vieraśni 1998 hoda, aktyŭna padtrymlivaŭ Andreja Sańnikava — byłoha namieśnika ministra zamiežnych spraŭ, adnaho z aŭtaraŭ hramadzianskaj inicyjatyvy «Chartyja-97», kaardynatara hramadzianskaj kampanii «Jeŭrapiejskaja Biełaruś». Za publikacyi na sajcie było zaviedziena try kryminalnyja spravy.

Sam Sańnikaŭ razam z žonkaj, žurnalistkaj Irynaj Chalip, taksama źjaŭlajecca padazravanym pa kryminalnaj spravie ab masavych biesparadkach i znachodzicca ŭ źniavoleńni.

Kamientary da artykuła