1—2 studzienia ŭ Biełarusi čakajucca śnieh i miacielica

Pavodle prahnozu Respublikanskaha hidramieteacentra, u najbližejšyja sutki ŭ Biełarusi budzie pachmurna. Časam śnieh. Ranicaj i dniom składanyja ŭmovy nadvorja: u mnohich rajonach miacielica, na darohach śniežnyja zanosy, pa paŭnočnaj pałovie mocny śnieh. Dniom miescami słaby hałalod. Viecier paŭdniova-zachodni 6–11 m/s, ranicaj i dniom paryvy da 15–20 m/s. Tempieratura pavietra nočču minus 3–10°S, dniom 0 — minus 5°S, u zachodnich rajonach da plus 2°S.

U nastupnyja dvoje sutak, 2–3 studzienia, u Biełarusi budzie pachmurna. 2 studzienia časam śnieh, miescami miacielica. Na asobnych učastkach daroh hałalodzica. Viecier zachodni 7–12 m/s, nočču miescami paryvy da 15–20 m/s. Tempieratura pavietra na praciahu sutak minus 2–9°S.

3 studzienia na bolšaj častcy terytoryi karotkačasovy śnieh. Na asobnych učastkach daroh hałalodzica. Viecier paŭdniova-zachodni, zachodni 4–9 m/s. Tempieratura pavietra nočču minus 6–13°S, pry prajaśnieńniach da minus 15–17°S, dniom minus 3–10°S.

U Minsku 1 studzienia časam śnieh, dniom mocny śnieh, miacielica, na darohach śniežnyja zanosy. Viecier paŭdniova-zachodni 6–11 m/s, dniom paryvy da 15–20 m/s. Tempieratura pavietra nočču minus 7–9°S, ranicaj minus 5–7°S, na praciahu dnia asłableńnie marozu da 0 — minus 2°S.

2 studzienia ŭ stalicy časam śnieh, nočču i ranicaj miescami miacielica. Na asobnych učastkach daroh hałalodzica. Viecier zachodni 7–12 m/s, nočču paryvy da 15–17 m/s. Tempieratura pavietra na praciahu sutak kala minus 4°S.

Kamientary da artykuła