Kali b…
...isnavaŭ ruch kalekcyjaneraŭ podpisaŭ za vyłučeńnie kandydatam u prezydenty.
— Ivanavič, ty što! Pamianiać adzin podpis za Skrabca na 25000 za Łukašenku?! Łukašenkaŭskich usiudy da chalery, a skrabcoŭskija — superrarytet!!!
❏
...słovy Kanaplova ab tym, što rezalucyi PASE zaminajuć biełarusam spakojna pracavać, byli praŭdaj.
— Čamu ty nie łupcuješ svajho hadkaha pupsika? Urešcie, za što ja płaču tabie hrošy?
— Prabačcie, klijent. Paśla tych rezalucyj u Strasburhu ruki apuskajucca.
❏
...čatyry kandydaty ŭ prezydenty byli b čatyrma muškieciorami.
— Ja hatovaja atrucić Kanstancyju, monseńjor. Aby tolki mnie nie pieraškodziŭ klaty haskoniec.
— Heta lohka vyrašajecca. Biarom hazetu, čytajem. «Rabočy hrafik d'Artańjana»: paniadziełak — duel, aŭtorak — karčma, sierada — pres-kanferencyja, čaćvier — u Londan za padvieskami. To bok čaćvier — idealny dzień.