Lisa, jakaja padstreliła palaŭničaha, prasłaviłasia na ŭvieś śviet
Hieraičnamu źviarku navat pryśviacili vierš.
Hieraičnamu źviarku navat pryśviacili vierš.
Mižnarodnaje ahienctva Reuters, brytanskija «The Sun», «Telegraph», «Dailymail», niamieckaja «Spiegel», šviedskija «Dagens Nyheter» i «Helsingborgs Dagblad», litoŭskija «Lietuvos rytas» i «Delfi», polski «Hanter», indyjski telekanał «India TV» dy inš. paviedamili pra biełaruskuju lisicu, jakaja nievierahodnym čynam nie tolki paźbiehła śmierci, ale i… padstreliła palaŭničaha i źbiehła.
Niezvyčajny vypadak adbyŭsia 8 studzienia ŭ lesie la vioski Staryja Padduby. Na palavańni 40-hadovy miascovy žychar z padstreliŭ lisicu, a dabić jaje vyrašyŭ prykładam. Kali jon prycisnuŭ paranienuju žyviołu da ziamli, taja, zmahajučysia, zakranuła łapami spuskavy miechanizm. Adbyŭsia streł, i palaŭničy atrymaŭ skraznoje ranieńnie ściahna.
Tak kurjozny vypadak apisaŭ śledčym sam paciarpieły. Hetyja słovy paćvierdziŭ jaho rodny brat, jaki ź im palavaŭ u toj dzień. Paranienaha źmiaścili ŭ balnicu, spravaj zajmajecca rajonnaja milicyja, jakaja musić vyśvietlić ci nasamreč usio było tak, jak raskazvaje hora-palaŭničy, i ci nie moh da strełu spryčynicca čałaviek.
A pakul toje, biełaruskaj lisie pryśviacili vierš. Dziela hetaha na partale Polit.ru ŭ ramkach prajektu «Vieršy na vypadak» byŭ zładžany konkurs. Voś vierš-pieramožca:
Vsie pieriemiešano.
Nie poniať poroj,
Choť płaċ –
Kto žiertva, a kto pałač,
I kto žie iz nich hieroj.
V kalejdoskopie biešienom
Krutiatsia otkrovienija, novosti, hłuposti, cinizm.
Žizń.
(aŭt. – Staryj Briuzha)