Ukrainski dypłamat paraŭnaŭ Łukašenku z dyktataram Franka

Kali prezidenta Ukrainy Viktara Janukoviča možna paraŭnać z refarmataram de Holem, to prezidenta Biełarusi Alaksandra Łukašenku — ź ispanskim dyktataram Franka.

Pra heta dyrektar Departamienta infarmacyjnaj palityki Ministerstva zamiežnych spravaŭ Ukrainy Aleh Vałošyn zajaviŭ u svaim artykule dla EUobserver.

«Kali mianie spytajuć, ci jość roźnica pamiž Janukovičam i Łukašenkam, adkaz budzie: „Tak. I vializnaja“. Jaje možna paraŭnać z roźnicaj pamiž Franka ŭ Ispanii i de Holem u Francyi — abodvuch vinavacili ŭ niepavazie da demakratyčnych normaŭ. Ale Franka imknuŭsia zachavać minułaje, a de Hol sprabavaŭ pabudavać budučyniu».

Daviedka. Franka Baamonde Fransiska (1892 — 1975), dyktatar Ispanii. U 1936 uznačaliŭ vajenna-fašyscki bunt suprać Ispanskaj respubliki, abapirajučysia na dapamohu, a zatym i adkrytuju interviencyju fašysckich Hiermanii i Italii. U 1939 paśla padzieńnia respubliki byŭ abvieščany vajennaj chuntaj pažyćciovym kiraŭnikom ispanskaj dziaržavy. Adnačasova zaniaŭ pasty pravadyra Ispanskaj fałanhi, staršyni Rady Ministraŭ i hałoŭnakamandujučaha ŭsimi ŭzbrojenymi siłami. U 1973 dobraachvotna admoviŭsia ad ułady na karyść prynca Chuana Karłasa.

Kamientary da artykuła