Biełaruś paprasiła ŭ Rasii kredyt 9 miljardaŭ dalaraŭ. I addaje MAZ
Kredyt pojdzie na budaŭnictva AES pa rasijskaj technałohii.
Pra heta paviedamiŭ žurnalistam pieršyvice-prem jer Biełarusi Uładzimir Siamaška. Hetyja hrošy, pavodlevice-prem jera, pojduć na budaŭnictva AES u Astraŭcy.
Pry hetym Siamaška padkreśliŭ, što 9 miljardaŭ spatrebiacca na budaŭnictva nie tolki samoj stancyi, ale i ŭsiej infrastruktury.
Biełaruś prosić kredyt na 25 hod.
«Heta budzie dziaržaŭny kredyt, chacia nas padšturchoŭvali da kamiercyjnaha», — adznačyŭ Siamaška.
Pahadnieńnie pamiž Biełaruśsiu i Rasijaj pra ŭsie pytańni budaŭnictva biełaruskaj AES moža być padpisanaje 15 sakavika. Na hety dzień zapłanavanaje pasiadžeńnie sajuznaha ŭrada.
Adnačasova Siamaška paviedamiŭ, što
Rasija i Biełaruś stvorać chołdynhavuju kampaniju «Raśbiełaŭta» na bazie aktyvaŭ MAZa i KamAZ.
Jak paviedamlałasia, dziaržaŭnaja karparacyja «Rastechnałohii» učora, 15 lutaha, nakiravała kiraŭnictvu Biełarusi list z prapanovaj abjadnać najbujniejšaha rasijskaha vytvorcy hruzavych aŭtamabilaŭ AAT «KamAZ» i Minski aŭtamabilny zavod (AAT «MAZ») u adnu kampaniju, u vyniku čaho KamAZ budzie vałodać 100% akcyj MAZa, a ŭłady Biełarusi buduć mieć pakiet akcyj u KamAZ, paviedamiŭ kiraŭnik «Rastechnałohij» Siarhiej Čemiezaŭ.
Budavańnie AES pa rasijskaj technałohii na dziesiacihodździ pryviaža Biełaruś da Maskvy ŭ enierhietycy, bo kraina vymušana budzie kuplać atamnaje paliva ŭ Rasii. Abjadnańnie MAZa i KAMAZa taksama pryviadzie da stvareńnia łancužka, jaki ciažka budzie razarvać.
Vynikam hetych krokaŭ stanie ŭzmacnieńnie zaležnaści Biełarusi ad Rasii, jakaja i biez taho amal absalutnaja.