Michalevič źjechaŭ ź Biełarusi?
dapoŭniena, abnaŭlajecca
Žonka palityka paćvierdziła hetuju infarmacyju. Mahčyma, Michalevič pierasiok miažu na dypłamatyčnym aŭtamabili adnaho z pasolstvaŭ.
Žonka palityka paćvierdziła hetuju infarmacyju.
«Mianie vyklikajuć dla praviadzieńnia śledčych dziejańniaŭ u KDB. Ja maju abhruntavanyja padstavy mierkavać, što z budynka KDB užo nie vyjdu, —napisaŭ Aleś u svaim błohu a 0.20 paniadziełka 14 sakavika. — Tamu mianie ŭ KDB nie budzie. Ciapier ja znachodžusia ŭ nadziejnym miescy, nie ŭ zonie dasiažnaści biełaruskaha KDB. Źbirajusia praciahvać pracu nad spynieńniem katavańniaŭ i vyzvaleńniem usich, chto niezakonna ŭtrymlivajecca pa palitmatyvach».
Bolšaść frendaŭ u błohu Michaleviča ŭchvaliła takoje jaho rašeńnie. «Dieržitieś, Aleś! My vsio ravno pobiedim. Nie važno hdie vy, hłavnoje, čtoby vy byli zdorovy, i vašu sieḿju nie čiekisty nie tronuli», — voś adzin z typovy vodhukaŭ.
paviedamili gazeta.ru ludzi z asiarodździa apazicyjaniera.Mahčyma, Michalevič pierasiok miažu na dypłamatyčnym aŭtamabili adnaho z pasolstvaŭ i ciapier znachodzicca ŭ Polščy,
Pieršy sakratar pasolstva Polščy ŭ Biełarusi Pavieł Marčuk vyklučyŭ mahčymaść, što Michaleviča vyvieźli polskim dypłamatyčnym transpartam.
Nahadajem, što ranicaj 20 śniežnia Aleś Michalevič byŭ aryštavany i ŭtrymlivaŭsia ŭ SIZA KDB, a taksama niekalki dzion u śledčym izalatary. 19 lutaha jaho vyzvalili. 28 lutaha na
Sa słovaŭ žonki palityka, jon pryniaŭ rašeńnie pra adjezd pad uździejańniem peŭnaj infarmacyi, davoli niečakana. Jon nie zachodziŭ dachaty, nie ŭziaŭ nijakich rečaŭ.
Jana nie viedaje, kudy jon vyjechaŭ, ale padtrymlivaje jahonaje rašeńnie: «Raz jon toje zrabiŭ, značyć, u jaho dla taho byli vialikija padstavy».
Siamja Michaleviča zastajecca ŭ Biełarusi.
Žonka Michaleviča Miłana nie paćviardžaje infarmacyi, što jon u Polščy. Jana kaža, što Alaksiej Michalevič na kantakt pakul nie vychodziŭ.
Sajt Ruchu za Svabodu, u svaju čarhu, piša, što «adsačyć adjezd Michaleviča KDBistam nie ŭdałosia, adjechaŭ jon unačy. Daroha ŭ «nadziejnaje miesca» zaniała amal sutki».
Za miažoj Michalevič moža stać adnym z klučavych śviedkaŭ na mahčymym sudzie ab parušeńniach pravoŭ čałavieka ŭ Biełarusi.
* * *
Aleś Michalevič adnym ź pieršych abviaściŭ ab svaim namiery bałatavacca ŭ prezidenty na
Michalevič śpiecyfična pazicyjanavaŭ siabie ŭ časie vybarčaj kampanii — jak treciuju siłu pamiž uładami i apazicyjaj. Jon pa mnohich pazicyjach chvaliŭ Alaksandra Łukašenku i padchapiŭ vybarčy łozunh apošniaha «razam my Biełaruś». Na Płošču svaich prychilnikaŭ jon zaklikaŭ u apošni momant, dyj toje vyklučna praź internet.
Niahledziačy na ŭsio heta ranicaj 20 śniežnia jaho aryštavali i pratrymali za kratami dva miesiacy. Siamja Alesia pieražyła siem pieratrusaŭ, a žonka Miłana była pazbaŭlenaja prava vyjazdžać za miežy krainy, kali jaje zaprasili raskazać ab spravie muža ŭ polskim Sojmie.
Šakujučyja fakty pra SIZA KDB Michalevič raskazaŭ na svajoj
«Ja pavinien raskazać ab usim, pavinien vykanać svoj hramadzianski abaviazak, — praciahvaŭ Michalevič. — Adrazu paśla zatrymańnia mnie va ŭltymatyŭnaj formie było zahadana vystupić pa BT z zajavaj, u jakoj ja b asudžaŭ Płošču. Kali ja admoviŭsia, mianie źmiaścili ŭ kamieru. A praź niekalki dzion pačalisia katavańni».
Michalevič raskazaŭ, što asabliva žorstkija pytki adbylisia ź im 10 studzienia — palityku zavodzili ruki za śpinu, nadziavali kajdanki, a potym padymali ruki ŭvierch da chrustu. Pry hetym patrabavali nieabchodnych pakazańniaŭ. Mienavita paśla takich pracedur Aleś patelefanavaŭ žoncy i paprasiŭ nikudy nie jeździć, nie padnimać chvalu salidarnaści.
Aleś taksama pierakanany, što padobnyja ździeki prymianialisia i ŭ dačynieńni da inšych viaźniaŭ KDB: «Katavańni paŭtaralisia nieadnarazova. Ja dumaju, što inšyja palitviaźni taksama mahli stać ich achviarami».
Praz dva miesiacy łamańnia Alesia vyzvalili pad padpisku ab niavyjeździe, adnak z umovaj stać «sieksotam». «Mnie dali na podpis papieru, dzie ja pahadziŭsia supracoŭničać z KDB. Ja padpisaŭ jaje i vyjšaŭ na svabodu. Vyjšaŭ dla taho, kab usio heta vam raskazać. Liču svaju zajavu publičnaj admovaj ad supracoŭnictva sa śpiecsłužbami», — zajaviŭ Michalevič.
Jon nie vyklučaŭ, što jaho mohuć iznoŭ pasadzić u turmu, kab zastrašyć inšych vypuščanych.