BIEŁ Ł RUS

A ŭ Mahilovie kanfiskavali nakinuty na plečy ściah

20.03.2011 / 14:42

19 sakavika bolš za paŭtary hadziny prabyli ŭ pastarunku Leninskaha rajadździełu milicyi aktyvist zarehistravanaj u Čechii niaŭradavaj arhanizacyi «Małady front» Valancin Łabačoŭ i jahony siabra Ŭładzisłaŭ Horki.

Chłopcaŭ zatrymaŭ milicejski narad patrulna-pastavoj słužby ŭ centry horadu niepadalok ad budynku harvykankamu blizu 20 hadziny viečara.

Pavodle Valancina Łabačova, jahony siabar išoŭ ź bieł-čyrvona-biełym ściaham, nakinutym na plečy. Na heta j źviarnuli ŭvahu milicyjanty:

«Jany nas zatrymali i dastavili ŭ pastarunak na Pažarnym zavułku. Tam skłali pratakoły apytańnia i kanfiskavali ściah. Učastkovy z proźviščam Zaradziej skazaŭ, što zabirajuć jaho na pravierku. Na jakuju nie patłumačyŭ. Suprać nas śviedčyli kursanty kaledžu milicyi. Maju bieł-čyrvona-biełuju stužku, jakaja ŭ mianie była zaviazanaja jak halštuk, nie zabrali».

Jak patłumačyŭ maładafrontaviec, jon i jahony siabar vyrašyli ź bieł-čyrvona-biełym ściaham i stužkaj prajści pa centry horadu i takim čynam vykazać salidarnaść ź biełaruskimi palitviaźniami, jakija try miesiacy znachodziacca ŭ źniavoleńni i pad śledztvam za svaju hramadzianskuju pazycyju.

Čytajcie taksama:

Kamientary da artykuła