Biełarusy stali bolš spažyvać harełki

Realizacyja harełki ŭ Biełarusi ŭ studzieni-lutym 2011 hoda uzrasła na 2,6% u paraŭnańni sa studzieniem-lutym 2010 hoda. Z kastryčnika 2009 pa studzień 2011 hoda adznačałasia skaračeńnie realizacyi hetaha ałkaholnaha napoju.

Pavodle źviestak Biełstata, prodaž harełki skłaŭ 1 młn. 663 tys. dał, a jaje dola ŭ ahulnym abjomie spažyvańnia ałkaholu — 44,3% (u studzieni-lutym 2010 hoda — 47,4%).

Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni-lutym 2011 hoda skłała 10,8%. Na spažyvieckim rynku realizavana ałkaholnych napojaŭ i piva na 902,8 młrd. rubloŭ.

Piva za pieršyja dva miesiacy hetaha hoda pradadziena 4 młn. 567,1 tys. dał, što na 25,1% bolš, čym za studzień-luty 2010 hoda. Jaho dola ŭ ahulnym abjomie spažyvańnia ałkaholu skłała 12,1% (u studzieni-lutym 2010 hoda — 10,7%).

Likiora-harełačnych vyrabaŭ realizavana 313,2 tys. dał (na 40,6% bolš), vinahradnych vin — 481,1 tys. dał (na 26,1% bolš), pładovych vin — 2 młn. 442 tys. dał (na 8,1% bolš). Pładovyja viny zaniali 29,2% u abjomie prodažu ałkaholnaj pradukcyi (u studzieni-lutym 2010 hoda — 29,8%).

Kańjaku i brendzi pradadziena 57,1 tys. dał (na 41,7% bolš), pienistych vin i šampanskaha — 203 tys. dał (na 25,5% bolš), słabaałkaholnych napojaŭ — 152,2 tys. dał (na 22,8% mienš).

Kamientary da artykuła