Konkurs – 1,1 čałavieka na miesca
Siońnia skančajecca rehistracyja kandydataŭ u deputaty miascovych savietaŭ.
Siońnia skančajecca rehistracyja kandydataŭ u deputaty miascovych savietaŭ.
Zatym pačniecca samy aktyŭny etap vybarčaj kampanii - ahitacyjny, paviedamiŭ karespandentu BIEŁTA sakratar Centralnaj kamisii Biełarusi pa vybarach i praviadzieńniu respublikanskich refierendumaŭ Mikałaj Łazavik.
Pavodle jaho słoŭ, konkurs patencyjalnych kandydataŭ u deputaty miascovych Savietaŭ składaje ŭsiaho 1,1 čałavieka na mandat. U cełym pa respublicy dakumienty na rehistracyju ŭ vybarčyja kamisii padali 24 397 pretendentaŭ, jakija buduć zmahacca za 22 658 vakansij. Bolš jak pałavina kandydataŭ vyłučany šlacham zboru podpisaŭ hramadzian - 14 029, ad pracoŭnych kalektyvaŭ bałacirujucca 10 014 čałaviek.
Najbolšaja kankurencyja za mandaty čakajecca na vybarach u Minski haradski Saviet. Tut na 55 miesc pretendujuć 237 čałaviek.
Nahadajem, vybary ŭ miascovyja Saviety deputataŭ Biełarusi dvaccać piataha sklikańnia naznačany na 14 studzienia 2007 hoda. Płanujecca sfarmiravać 1 tys. 583 miascovyja Saviety deputataŭ. Najbolšaja kolkaść Savietaŭ stvarajecca ŭ Minskaj vobłaści - 345, u Bresckaj ich budzie 255, u Viciebskaj - 241, u Homielskaj - 300, u Hrodzienskaj - 221, u Mahiloŭskaj - 220, a taksama adzin u horadzie Minsku. Treba budzie stvaryć 6 abłasnych i Minski haradski, 118 rajonnych, 13 haradskich u haradach abłasnoha padparadkavańnia, 14 haradskich u haradach rajonnaha padparadkavańnia, 66 pasiałkovych, 1 tys. 365 sielskich Savietaŭ