Chvala biesparadkaŭ u Kitai
Chvala žorstkich biesparadkaŭ u haradskich rajonach Kitaja apošnija try tydni — vyprabavańnie na zdolnaść Kamunistyčnaj partyi Kitaja zachoŭvać kantrol nad nasielnictvam. Ułady vymušanyja pastajanna vykarystoŭvać siły biaśpieki dla ŭtajmavańnia hramadskaha hnievu, vyklikanaha ekanamičnymi i palityčnymi kryŭdami.
Uzbrojenaja palicyja, sprabujučy navieści paradak u pramysłovym horadzie na poŭdni Kitaja ŭ paniadziełak, užyła ślezaciečny haz i bronietechniku suprać sotniaŭ mihrantaŭ, jakija pieravaročvali palicejskija mašyny, bili šyby i padpalvali ŭradavyja budynki.
Pratesty ŭ paŭdniovaj pravincyi Huandun pačalisia ŭ piatnicu viečaram. A pierad tym surjoznyja biesparadki adbylisia ŭ centralnym Kitai.
Jašče raniej adbylisia vybuchi bombaŭ va ŭradavych budynkach na ŭschodzie Kitaja.