Na Kalady ŭ Mazyry spalili chram
Dla padpału złamyśniki vykarystali dyzpaliva, jakim ablili ścieny.
U Mazyry adnoviać chram śviatoha Hieorhija Pieramožcy, jaki byŭ spaleny 25 śniežnia. Pracy planujecca raspačać uviesnu. Pra heta karespandentu BIEŁTA zajaviŭ nastajaciel carkvy a. Valer.
Pavodle infarmacyi pres‑słužby abłasnoha ŭpraŭleńnia pa nadzvyčajnych sytuacyjach, ranicaj 25 śniežnia ŭ dyśpietčarskuju Mazyrskaha rajonnaha adździeła MNS pastupiła paviedamleńnie pra ŭzharańnie draŭlanaj carkvy śv. Hieorhija Pieramožcy. Vyratavalniki, što prybyli na miesca zdareńnia, lakalizavali ačah uzharańnia, ale vyratavać chram nia zdoleli. Dla padpału złamyśniki vykarystali dyzpaliva, jakim unutry ablili vuhły chrama. U vyniku carkva adnaŭleńniu nie padlahaje. Na ścienach budynka padpalščyki vyhraviravali nadpisy sataninskaha źmiestu. Zaviedziena kryminalnaja sprava.
Heta druhi vypadak padpalvańnia carkvy śv. Hieorhija Pieramožcy. Paŭtara miesiaca tamu nieviadomyja sprabavali jaje padpalić, ale niaŭdała.
U Turaŭskaj japarchii ŭžo pryniata rašeńnie ab adnaŭleńni chrama. Pavodle słovaŭ ajca Valeryja, budaŭnictva carkvy, a ciapier jana budzie muravanaj, budzie pačata ŭ sakaviku.