BIEŁ Ł RUS

Ihar Jaŭsiejeŭ: Nijakich parušeńniaŭ hramadskaha paradku nie było dapuščana

5.07.2011 / 15:27

Namieśnik staršyni HUUS Minharvykankama ŭ intervju dziaržaŭnym ŚMI ni słova nie skazaŭ pra masavyja zatrymańni ŭ centry Miensku.

Namieśnik staršyni HUUS Minharvykankama ŭ intervju dziaržaŭnym ŚMI ni słova nie skazaŭ pra masavyja zatrymańni ŭ centry Miensku.

Uviečary 3 lipienia pa ŭsioj krainie ludzi ŭ cyvilnym zatrymlivali mirnych hramadzianaŭ, jakija ŭ centry haradoŭ plaskali ŭ dałoni abo prachodzili mima. U Miensku milicyja suprać demanstrantaŭ i žurnalistaŭ užyła piarcovy haz. Pravaabarončy centr «Viasna» paviedamlaje,

što razam u krainie zatrymali amal 400 čałaviek.

Tym časam Jaŭsiejeŭ paviedamiŭ infarmahienctvu BiełTA: «Pravaachoŭnyja orhany ŭ hety dzień pracavali va ŭzmocnienym varyjancie niasieńnia słužby. Byŭ zadziejničany ŭvieś asabisty skład harnizonu, ad učastkovych inśpiektaraŭ da kryminalnaj milicyi.

Nijakich parušeńniaŭ hramadskaha paradku ŭ miescach hulańniaŭ nie było dapuščana.
Situacyja ŭ stalicy była pad kantrolem milicyi».

Pres-słužba Ministerstva ŭnutranych spravaŭ admaŭlajecca kamientavać, chto zahadaŭ chapać ludziej na Pryvakzalnaj płoščy ŭ Miensku i na jakoj padstavie hvałtoŭnyja zatrymańni pravodzili asoby ŭ cyvilnym. Padčas akcyi milicejskija načalniki, adzietyja ŭ cyvilnaje, taksama ŭstrymlivalisia ad kamientaroŭ. Pry hetym jany admaŭlalisia nazyvać svaje pasady: kazali, što jany prosta minaki, jakija ź cikavaści pryjšli pahladzieć na akcyju. Paznać ich možna było, badaj, tolki pavodle navušnikaŭ apieratyŭnaj suviazi.

Čytajcie taksama:

Kamientary da artykuła