«Nastaŭnickaja hazieta»: chto nie za Łukašenku, toj ekstremist
«Nastaŭnickaja hazieta» (№ 20, 9 lutaha) nadrukavała materyjały kruhłaha stała «Arhanizacyja raboty pa praduchileńni ŭpłyvu niezarehistravanych moładzievych hrupovak na navučenskuju moładź», što byŭ praviedzieny Respublikanskim instytutam prafesijnaj adukacyi.
«Nastaŭnickaja hazieta» (№ 20, 9 lutaha) nadrukavała materyjały kruhłaha stała «Arhanizacyja raboty pa praduchileńni ŭpłyvu niezarehistravanych moładzievych hrupovak na navučenskuju moładź», što byŭ praviedzieny Respublikanskim instytutam prafesijnaj adukacyi.
Pradstaŭniki Ministerstva adukacyi, RIPA, MUS abmiarkoŭvali dziejnaść «radykalnych moładzievych hrupovak palityčnaj skiravanaści». U jakaści takich nazyvajucca RNIE, a razam ź joju taksama kamsamoł, «Zubr», «Małady front», «Bieły lehijon», «Maładyja demakraty», «Maładaja hramada», «Hramadzianski forum», «Siomaja hrań», «Partnerstva». Heta značyć, u ekstremisty zapisali nia tolki realnych nacystaŭ, ale i ŭsich, chto maje palityčnyja pierakanańni, nia zhodnyja ź ciapierašniaju ŭładaj — sacyjał-demakrataŭ, liberałaŭ, chryścijanskich demakrataŭ. Karespandent nie zadajecca pytańniem, nakolki heta zhodna z Kanstytucyjaj, jakaja ŭsim, u tym liku j moładzi, harantuje svabodu palityčnych pohladaŭ.
Ministerstva adukacyi natuje abudžeńnie moładzievych arhanizacyjaŭ u 2005 hodzie. «Nielha niedaaceńvać lideraŭ hetych hrupovak, mnohija ź ich vielmi nieardynarnyja ludzi».
RNIE, akramia Miensku, pavodle Ministerstva, maje svaje filii ŭ Lidzie, Navahradku i Klimavičach. Adznačajecca aktyvizacyja dziejnaści «Biełaha lehijonu» ŭ Drahičynskim rajonie.
Elementy destruktyŭnaści «pedahohi» ŭhledžvajuć navat u dziejnaści rokieraŭ, metalistaŭ, brejkieraŭ, bitłamanaŭ, rejveraŭ, amataraŭ chip-chopu, budystaŭ, daasistaŭ i prychilnikaŭ «systemy». Adnak hetyja nia sama chvalujuć hazetu: «dla ich charakterna abyjakavaść da palityki».
«Lubaja načnaja dyskateka da ranicy moža nabyć niezvyčajnuju destruktyŭnuju afarboŭku», — papiaredžvaje hazeta.