Paciarpiełaja ŭ terakcie patrabuje pieranieści sud da času admieny śmiarotnaha pakarańnia i ŭviadzieńnia suda prysiažnych

Chadajnictva pieradaŭ jaje pradstaŭnik.

Pradstaŭnik adnoj z paciarpiełych Alaksandr Kruty ŭ časie pracesu Kanavałava-Kavalova paprasiŭ pieranieści sud, pakul u Biełarusi nie budzie admieniena śmiarotnaje pakarańnie i pakul nie ŭviedzieny sud prysiažnych. Adnak sudovaja kalehija adchiliła jahonaje chadajnictva. Maci inšaha paciarpiełaha, Taćciana Aleksandryja, zajaviła, što nie vieryć, što «hetyja dvoje mahli ŭčynić taki terakt».

«Ja zajaŭlaju chadajnictva paciarpiełaj Krutoj, my patrabujem da pačatku sudovaha pracesu admianić u Biełarusi śmiarotnaje pakarańnie jak atrybut varvarstva i ŭvieści instytut prysiažnaha sudavodstva, kab jany zmahli pryniać rašeńnie pa hetym pytańni», — zajaviŭ spadar Kruty.

Akramia taho, pradstaŭnik paciarpiełaj zaznačyŭ, što jaho dačka «šosty miesiac jak pazbaŭlenaja ŭsich srodkaŭ da isnavańnia, da siońniašniaha dnia joj nie apłočany ni adzin balničny listok».

Paciarpieły Saakian zajaviŭ, što dałučajecca da chadajnictva ŭ častcy taho, što i jamu «nie dali mahčymaści aznajomicca z materyjałami spravy». Pa słovach paciarpiełaha, heta vyklikaje ŭ jaho sumnievy ŭ jakaści śledstva.

Niekatoryja miarkujuć, što adna sa śpiecsłužb mahła viedać ab padrychtoŭcy terakta, ale — vypadkova ci naŭmysna — nie praduchiliła jaho.

Kamientary da artykuła