Alaksiej Kortnieŭ nazvaŭ biełaruskaha hledača «vydatnym»
Alaksiej Kortnieŭ nie dzielić hledača na biełaruskaha, rasijskaha, ukrainskaha ci inšaha, jedzie da "svajho hledača". Pra heta lider rasijskaha hurtu "Niesčastnyj słučaj", paet i akcior zajaviŭ na pres-kanfierencyi ŭ Minsku.
Pozna ŭviečary ŭ subotu jaho hurt vystupiła ŭ minskim kłubie "Kajot", dzie syhraŭ šerah starych piesień i pradstaviŭ novyja kampazicyi, vykarystanyja ŭ rasijskim filmie "Pra što jašče havorać mužčyny".
Na pytańnie, što muzyka dumaje pra biełaruskaha hledača, Kortnieŭ adkazaŭ: "Jon vydatny". Lider "NS" raspavioŭ, što niadaŭna pryjazdžaŭ u Biełaruś sa śpiektaklem "Pajści nielha zastacca" pavodle Vudzi Alena i atrymaŭ vielizarnaje zadavalnieńnie.
"U teatralnaj trupy abo muzyčnaj hrupy, jakaja maje takuju doŭhuju historyju, jak naša, jość svoj hladač u lubym horadzie i ŭ luboj krainie." Niesčastnyj słučaj", naprykład, prychodziać słuchać daloka nie ŭsie -- tolki vuzkaja prasłojka hramadstva, jakaja ŭsiudy całkam adnolkavaja ", -- ličyć muzykant.
Jon raspavioŭ pra svaju pracu ŭ rasijskich miuzikłach. Pryznaŭsia, što ź niejkaha času addaje pieravahu ŭdziełu ŭ pracy nad imi tolki jak aŭtar tekstaŭ.
Kortnieŭ stvaraŭ rasijskamoŭnyja libreta da miuzikłaŭ "Kotki", "Istvikskija viedźmy", Mamma Mia!, "Pryhažunia i pačvara", "Pradziusary". U "Istvikskich viedźmach" byŭ zadziejničany i jak akcior, ale paśla, pryznaŭsia jon, takoj pracy staŭ paźbiahać. "Tamu što, papracavaŭšy adzin raz u miuzikle, ja ŭbačyŭ błahi bok hetaha pracesu, pierakanaŭsia, nakolki heta miechaničnaje isnavańnie. Miuzikł -- vielmi składana arhanizavanaja dzieja, i ŭ im zusim niama akciorskaj svabody, tamu pracavać tam niecikava", - skazaŭ muzyka.