MK: Biełaruś pazbaŭlaje Baradzina pasady dziaržsakratara cajuza Rasii i Biełarusi
Da kanca 2011 hoda Pavieł Baradzin pakinie pasadu dziaržaŭnaha sakratara Sajuza Rasii i Biełarusi, paviedamiŭ «Moskovskij komsomolec». Jaho najbolej vierahodnym pierajemnikam źjaŭlajecca ciapierašni paŭnamocny pradstaŭnik prezidenta RF u Pryvołžskaj fiederalnaj akruzie Ryhor Rapota.
«U adroźnieńnie ad vyšejšych rasijskich lidaraŭ Pavieł Baradzin nikoli publična nie havaryŭ nivodnaha drennaha słova pra Alaksandra Łukašenku. Adnak inicyjatyva jaho zamieny, pavodle našych danych, naležyć mienavita biełaruskamu boku», — piša hazieta.
Rasijskaje kiraŭnictva «prośbu pryniało» i padabrała Baradzinu «hodnaha pierajemnika». Rapota da 2007 hoda pracavaŭ hienieralnym sakratarom «prarasijskaha intehracyjnaha błoka JeŭrAzES» i «znachodziŭsia ŭ dobrych asabistych adnosinach z Alaksandram Łukašenkam».
Pavodle danych «MK», Baradzin «vielmi nie choča pakidać pasadu, da jakoj jon mocna pryros za doŭhija hady, i zdoleŭ vykłapatać sabie ŭžo dźvie adterminoŭki». Ale na listapad hetaha hoda zapłanavana pasiadžeńnie Vyšejšaha dziaržaŭnaha savieta sajuznaj dziaržavy, i mienavita tam pavinna adbycca rakiroŭka.
«Sajuznaja dziaržava Rasii i Biełarusi była aficyjna stvorana jašče ŭ 1999 hodzie, ale za hety čas tak i nie pierastała być efiemiernym utvareńniem. Pieryjadyčna ŭźnikali hutarki ab tym, što da „sajuza“