Premjera: Pinihin pastaviŭ «Noč na Kalady» Hohala

U śpiektakli buduć zaniatyja Chitryk i Zielankoŭskaja.

Mastacki kiraŭnik Kupałaŭskaha teatra Mikałaj Pinihin pastaviŭ Teatralnuju fantaziju ŭ 2-ch dziejach «Noč na Kalady» pa znakamitych tvorach Mikałaja Hohala (pierakład Ihara Skrypki, scenahrafija — Zinovija Marholina, mastak pa kaściumach — Alaksandra Palidzi, kampazitar — Andrej Zubryč, baletmajstar — Mikałaj Reutaŭ).

«Cudy, dzivy, niečuvanyja pryhody, paloty ź Dzikańki ŭ Pieciarburh, pieśni i skoki, djabłavy vybryki i vialikaje kachańnie — usio heta tut, u kaladnaj fiejeryi pavodle adnaho z samych słavutych tvoraŭ Mikałaja Hohala.

Režysior śpiektakla Mikałaj Pinihin pa-majstersku stvaryŭ sapraŭdy zachaplalnaje vidovišča, dzie atmaśfiera narodnaha karnavału nie moža pakinuć abyjakavym nikoha z hledačoŭ», — havorycca ŭ karacieńkaj anatacyi na sajcie Kupałaŭskaha.

U śpiektakli budzie zaniataja ŭsia krasa i siła teatra:

Aksanu buduć hrać Hanna Chitryk i Śviatłana Zielankoŭskaja, Čorta — Pavieł Charłančuk-Južakoŭ, Sałochu — Aŭhińnia Kulbačnaja i Volha Niafiodava, Čuba — Siarhiej Žuraviel, Kuma — Pavieł Jaskievič ci Mikałaj Kiryčenka.

Premjera «Nočy na Kalady» adbudziecca 2 i 3 listapada na scenie Doma aficeraŭ.

Jašče možna zamović kvitki ŭ internecie i kupić u raspaŭsiudnikaŭ.

28 tys. za kvitok — heta amal darma.

Kamientary da artykuła