Siońnia ŭ Minsku prezientujuć dakumienty z archivu Ihnatoŭskaha

6 śniežnia (aŭtorak) u Nacyjanalnym histaryčnym muziei Respubliki Biełaruś (vuł. Marksa, 12) a 17-j hadzinie adbudziecca uračystaja prezientacyja častki, adšukanaha archivu Usievałada Ihnatoŭskaha i pieradača jaho ŭ dar Nacyjanalnamu histaryčnamu muzieju.



Usievaład Makaravič Ihnatoŭski (1881–1931), viadomy navukoŭca, arhanizatar navuki, dziaržaŭny i hramadski dziejač Biełarusi, narodny kamisar aśviety (1920 — 1926 hh.), staršynia Instytuta biełaruskaj kultury (1926—1928 hh.), adzin z «ajcoŭ» BSSR. Zajmaŭsia daśledavańniem historyi Biełarusi. Apublikavaŭ šerah bujnych manahrafičnych daśledavańniaŭ, siarod jakich adna ź pieršych abahulniajučych prac pa historyi Biełarusi — «Karotki narys historyi Biełarusi» (1919 h.). 4 lutaha 1931 h. skončyŭ žyćcio samahubstvam. Usia siamja jaho trapiła pad koły represij.

Razam sa źniknieńniem asoby ŭładalnika z palityčnaj areny ŭ 1930-ch hh. prapaŭ i asabisty archiŭ Usievałada Makaraviča. Hetyja dakumienty, biezumoŭna, majuć vialikuju cikavaść dla navukovaj hramadskaści Biełarusi. Dziakujučy pilnaj dziejnaści daśledčyka historyi Biełarusi, kandydata histaryčnych navuk, vykładčyka BDU Uładzimira Lachoŭskaha častka asabistych dakumientaŭ była vyjaŭlena.

6 śniežnia adbudziecca uračystaja prezientacyja častki, adšukanaha archivu Usievałada Ihnatoŭskaha i pieradača jaho ŭ dar Nacyjanalnamu histaryčnamu muzieju Respubliki Biełaruś.

Kamientary da artykuła