Siarhieju Šupu admoŭlena ŭ biełaruskaj vizie

Jon mieŭsia vieści ŭ Minsku prezientacyju knihi.

Žurnalistu Biełaruskaj słužby radyjo «Svaboda» (Praha) Siarhieju Šupu admoŭlena va ŭjeździe ŭ Biełaruś. Siońnia žurnalist, jaki žyvie ŭ stalicy Čechii, atrymaŭ u biełaruskim konsulstvie svoj pašpart z paznakaj «admoŭlena».

Siarhiej Šupa pavinien byŭ vieści prezientacyju ramana Alhierda Bachareviča «Šabany. Historyja adnaho źniknieńnia», što pavinna prajści 22 sakavika ŭ Minsku.

Nahadajem, što ŭ kastryčniku 2011 h. nie atrymała biełaruskaj vizy 81-hadovaja Halina Rudnik, jakaja źbirałasia prezientavać u Minsku knihu svaich ŭspaminaŭ «Ptuški pieralotnyja», što vyjšła ŭ sieryi «Biblijateka Svabody». Byłoj supracoŭnicy radyjo «Svaboda», što ź siaredziny 1950-ch žyvie ŭ Miunchienie, admovili ŭ vizie ŭ biełaruskim pasolstvie ŭ Bierlinie. Pryčynu admovy nie patłumačyli.

Šupa viadomy nie tolki jak radyjožurnalist, ale i jak movaznaviec i pierakładčyk. Razam ź Janam Maksimiukom stvaryŭ sajt litaratura.org

Kamientary da artykuła