Milicejskija načalniki ŭdaskanalvajuć u Minsku kiraŭnickija navyki

Z 17 pa 19 krasavika ŭ Minsku prachodzić vučebna-mietadyčny zbor dla načalnikaŭ štaboŭ milicejskich padraździaleńniaŭ krainy. Miescam jaho praviadzieńnia staŭ vučebny centr pa padrychtoŭcy, pavyšeńni kvalifikacyi i pierapadrychtoŭcy kadraŭ orhanaŭ unutranych spraŭ.

Jak paviedamiła ŭpraŭleńnie infarmacyi i hramadskich suviaziej MUS, pad kiraŭnictvam načalnika štaba Ministerstva ŭnutranych spraŭ Andreja Baroŭskaha ŭdzielniki zboru buduć udaskanalvać kiraŭnickija navyki, dzialicca vopytam arhanizacyi apieratyŭna-słužbovaj dziejnaści orhanaŭ unutranych spraŭ. Nie zastanucca biez uvahi pytańni prahnazavańnia dynamiki złačynnaści, acenki apieratyŭnaj abstanoŭki. Prahramaj taksama praduhledžany ekzamieny pa ahniavoj i fizičnaj padrychtoŭcy, testavańnie pa viedańni narmatyŭnych pravavych aktaŭ u zhadanaj śfiery.

Pavodle słoŭ namieśnika načalnika apieratyŭnaha ŭpraŭleńnia štaba MUS Ihara Paškova, mierapryjemstva dazvolić palepšyć kaardynacyju dziejnaści orhanaŭ i padraździaleńniaŭ milicejskaha viedamstva krainy ŭ achovie hramadskaha paradku, arhanizacyi hramadskaj biaśpieki i baraćbie sa złačynnaściu.

Kamientary da artykuła