Statkievič pra sukamiernika-śpiecnazaŭca: «Čałaviek spakojny i adekvatny»

Palitviazień u liście da baćki paćvierdziŭ, što maje novaha susieda.

Były kandydat u prezidenty Mikoła Statkievič u liście da baćki padćvierdziŭ infarmacyju, jakaja raniej źjaviłasia ŭ ŚMI, ale nie była paćvierdžana ŭ Departamiencie pa vykanańni pakarańniaŭ.

Nahadajem, što paru dzion tamu pravaabarončaja inicyjatyva «Płatforma» paviedamiła na svaim sajcie, što ŭ kamieru da Mikałaja Statkieviča z Navapołackaj kałonii byŭ pieraviedzieny były namieśnik kamandzira v/č 3214 pa fizičnaj padrychtoŭcy Vasiljeŭ. Vasiljeŭ jašče ŭ 2002 hodzie byŭ asudžany na termin u 21 hod. U hučnym sieryjale «Chrosny baćka», jaki pakazvaŭ telekanał NTV, mienavita Vasiljeva nazyvali ŭdzielnikam tak zvanaha «eskadrona śmierci», jaki padazravali ŭ datyčnaści da źniknieńnia apazicyjnych palitykaŭ i žurnalista Zavadskaha. Pra Vasiljeva padrabiazna raskazaŭ były słužboviec čaści 3214 Dźmitryj Novičak.

Źviestki, što Vasiljeŭ mieŭ dačynieńnie da «eskadrona śmierci» źjaŭlalisia i raniej.

Hledziačy pa ŭsim, infarmacyja, jakuju «Płatforma» atrymała ad svaich krynic u mahiloŭskaj turmie dakładnaja.

U apošnim liście da baćki Mikoła Statkievič piša: «U mianie novy susied — były aficer śpiecnaza. Niahledziačy na vialiki adsiedžany termin, čałaviek spakojny i adekvatny».

U Departamiencie pa vykanańni pakarańniaŭ infarmacyju pra toje, što da Statkieviča «padsialili» Alaksandra Vasiljeva, kamientavać admaŭlajucca.

Kamientary da artykuła