Čynoŭnik: Kab pryjazdžała bolš haściej, treba pradavać siadziby, vioski i nie saromiecca seks-turyzmu

U krainie pačynajecca maštabny rasprodaž pomnikaŭ historyi.

Skulptura i naścienny malunak na ahrasiadzibie (Brasłaŭski rajon).

U pačatku letniaha siezonu śpiecyjalisty roznych uzroŭniaŭ šmat kažuć pra pavyšeńnie turystyčnaj pryvabnaści krainy. Zrabić heta ŭ pieršuju čarhu možna za košt palapšeńnia infrastruktury. Ab niekatorych płanach dziaržavy raspavioŭ u intervju kanału «RTR-Biełaruś» namieśnik ministra sportu i turyzmu Časłaŭ Šulha.

Jak užo paviedamlałasia, sioleta ŭ krainie pačynajecca maštabny rasprodaž pomnikaŭ historyi. Za hrošy možna kupić i pałac Patockich, i majontak Ramanavych.

— U nas u toj ci inšaj stupieni zachavalisia bolš za tysiaču rodavych siadzibaŭ, — raspavioŭ Časłaŭ Šulha. — Niedzie reštki parkavaj zony, dzieści padmurki.

Chaj ich kupiać za bazavuju vieličyniu, ale voźmuć na siabie sacyjalnuju nahruzku: što na praciahu 5–10 hadoŭ buduć raźvivać tut turyzm.

Namieśnik ministra paviedamiŭ, što ŭ asobnych rajonach Biełarusi zaraz śpisvajuć ŭ razrad niežyłych dziasiatki viosak.

«Miortvyja» vioski taksama płanujuć pradavać za biascenak.

— Ideja taja ž: chaj chtości kupić ich za adnu «bazavuju». Čamu b inviestaru nie nabyć viosku, nie adnavić jaje? Heta byŭ by dobry cikavy pradukt.

Adkazvajučy na pytańnie viadučaha pra jašče adzin kirunak turyzmu (maŭlaŭ, u Biełaruś ciapier aktyŭna jeździać seks-turysty ź Italii, Turcyi), Časłaŭ Šulha prapanavaŭ hetaha nie saromiecca.

— Tut vybačacca niama čaho. Heta toje što, naprykład, zapatrabavana ŭ Danii. Jany znajšli kozyr. My siońnia heta nie kultyvujem, nie havorym — pryjazdžajcie da nas pa seks-pasłuhi.

Pavodle čynoŭnika, važnaja zadača, jakuju stavić zaraz dziaržava ŭ śfiery turyzmu — skaracić biudžetnyja vydatki na raźvićcio infrastruktury i davieryć heta biznesu. Prahres užo jość, dziaržaŭnyja srodki raschodujucca ŭ razy mienšyja, čym 3–5 hadoŭ tamu.

Kamientary da artykuła