Začynieny mienski klub, dzie stavilisia spektakli "Volnaha teatru"
Tak, padčas spektakla «Džyns» u klub uvarvałasia milicyja i zatrymała ŭsich prysutnych.
Staličny klub «Simpł», što znachodzicca pa vulicy K. Libknechta, pazbaŭleny licenzii. Uvahu milicyi jon pryciahnuŭ paśla taho, jak pry kancy lutaha tut prajšli spektakli «Volnaha teatra». Padčas spektakla «Džyns» u klub uvarvałasia milicyja i zatrymała ŭsich prysutnych (kala 70 čałaviek). Ich advieźli ŭ pastarunak, a potym adpuścili biez składańnia pratakołaŭ. Pra heta paviedamiŭ art‑dyrektar kluba Jarasłaŭ Hryščenia.
Aficyjnaja pryčyna zakryćcia — parušeńnie zakanadaŭstva. Raniej taksama byli začynienyja dva kluby, u jakich vystupaŭ «Volny teatr»: NC i «Reaktar».
U nastupnyja vychodnyja Jarasłaŭ Hryščenia abiacaje pravieści na prystupkach kluba pank‑kancert pad lozunham «Viarnicie nam «Simpł»!, Pakul pytańnie nia budzie vyrašana pazytyŭna, ŭdzielniki źbirajucca zastavacca na hanku.