Bieł-čyrvona-biełyja ściahi ŭ padtrymku ŭkrainskaj movy - fota
Biełaruskaja akcyja prajšła ŭ Kijevie.
17 lipienia ŭ Kijevie kala Ukrainskaha doma adbyłasia akcyja salidarnaści biełarusaŭ z ukrainskimi haładoŭnikami, jakija vystupajuć suprać uviadzieńnia rasiejskaj movy ŭ jakaści druhoj dziaržaŭnaj va Ukrainie.
Pierad akcyjaj prahučaŭ biełaruski himn-malitva "Mahutny Boža",zatym ustupnaje słova ŭziaŭ staršynia ruchu salidarnaści "Razam" Viačasłaŭ Siŭčyk, jaki pryvitaŭ i padtrymaŭ udzielnikaŭ akcyi.
Mierapryjemstva doŭžyłasia paŭtary hadziny. Za hety čas u padtrymku Ukrainy i Biełarusi vystupili pradstaŭniki biełaruskaj delehacyi Jarasłaŭ Hryščenia, Andrej Kasmovič, Halina Sarotnik, Julija Šaŭłoŭskaja. Paśla kožnaj pramovy hučali dźvie pieśni - na ukrainskaj i biełaruskaj movach.
U kancy akcyi kiraŭnik arhkamiteta haładoŭnikaŭ Aksana Niežyvienka padziakavała biełarusam za padtrymku. Zaviaršyłasia mierapryjemstva dziaržaŭnym himnam Ukrainy.