Kandraćjeŭ: BATE sabatuje intaresy zbornaj
«Ci BATE — heta naša ŭsio?» — zadaŭsia pytańniem hałoŭny trenier nacyjanalnaj zbornaj.
Barysaŭski futbolny kłub BATE sabatuje intaresy zbornaj, zajaviŭ hałoŭny trenier nacyjanalnaj kamandy, były nastaŭnik alimpijskaj zbornaj Hieorhij Kandraćjeŭ na.pres-kanfierencyi 13 žniŭnia
«Sabataž, sapraŭdny sabataž», — skazaŭ jon. U jakaści prykładu trenier pryvioŭ situacyju z vyklikam u zbornuju abaroncy Dzianisa Palakova: spačatku pazvaniŭ hałoŭny trenier BATE Viktar Hančarenka i zajaviŭ, što futbalist apustošany. Kandraćjeŭ adkazaŭ, što niachaj choć u zapasie pasiadzić. Zatym kiraŭnictva BATE paviedamiła, što ŭ hulca traŭma, adnak jon 12 žniŭnia vyjšaŭ na pole ŭ matčy suprać «Naftana».
Pavodle słoŭ Kandraćjeva, atrymlivajecca, što zbornaja idzie nasustrač kłubu, adpuskajučy hulcoŭ, a kłub nasustrač zbornaj nie idzie.«Było b u mianie bolš hulcoŭ, z BATE nikoha b nie braŭ, — zajaviŭ jon. — Jany sabrali zbornuju Biełarusi. Adkul Palakoŭ, Bresan, Radzivonaŭ? I što, ich zaraz nielha vyklikać? Ci BATE — heta naša ŭsio? Ja razumieju, 10 miljonaŭ na konie (havorka ab premijalnych za vychad u hrupavy etap Lihi čempijonaŭ), ale jość intaresy zbornaj». Trenier taksama zajaviŭ, što ŭ hetaj sprečcy fiederacyja staić na jaho baku.