Maci Bašarymava: «Synu daviadziecca prykłaści šmat vysiłak, kab adnavicca»
Ryełtar pa-raniejšamu ŭstrymlivajecca ad kantaktaŭ z žurnalistami.
Paśla vyzvaleńnia z-pad varty ryełtar Siarhiej Bašarymaŭ adpačyvaje i paradkuje svoj biznes. Kantaktavać z žurnalistami jon pa-raniejšamu admaŭlajecca, tamu žurnalisty pacikavilisia ab płanach eks-źniavolenaha «amierykanki» [byŭ vyzvaleny 17 žniŭnia, ŭ źniavoleńni znachodziŭsia ad 6 lipienia -- NN] ŭ jaho maci.
- Usie vychodnyja Siarhiej prosta adpačyvaŭ i prychodziŭ u siabie,-- raspaviała maci ryełtara Ludmiła Bašarymava. -- Jon navat nie staŭ pakul adnaŭlać mabilny numar: karystajecca telefonam siabra. Ja razmaŭlaju ź im štodzień -- sama pakul znachodžusia ŭ dački ŭ Homieli, niańču ŭnučku.
Pavodle słovaŭ surazmoŭnicy, syn jašče nie vyrašyŭ, ci budzie jon asabista kantaktavać z presaj.
-- Siaržuk -- čałaviek niepubličny. Tym bolš u takich abstavinach. Plus sprava jašče nie zakrytaja. Budzie raicca z advakatam.
Taksama jana dapoŭniła, što ŭ bližejšy čas Siarhiej budzie pryvodzić u paradak biznes:
-- Bo ŭsio na im trymałasia: i rekłama, i dakumienty. Ciapier treba šmat vysiłkaŭ prykłaści, kab usie adnavić.
Mama eks-viaźnia «amierykanki» rada vyzvaleńniu syna. Ale kaža, što napružańnie pakul jašče nie adpuściła.
- Zaraz lahčej va ŭsich adnosinach, čym kali Siarhiej byŭ pad aryštam. Ale napružańnie ŭsio jašče zastajecca.Syn pad padpiskaj ab niavyjeździe, sprava nie zakryta i, na žal, pasłuhi advakataŭ u nas niatannyja, - reziumavała jana.
- Nahadajem, što 17 žniŭnia Antonu Surapinu i Siarhieju Bašarymavu, abvinavačanym pa č.6. art.16 i č.3. art.371 KK Biełarusi [dapamahańnie ŭ pierachodzie dziaržaŭnaj miažy], była źmienienaja miera strymańnia z zaklučeńnia pad vartu na padpisku ab niavyjeździe i naležnych pavodzinach. Bašarymaŭ i Surapin zastajucca ŭ statusie abvinavačanych, pakolki nieabchodnyja śledčyja dziejańni, u tym liku praviadzieńnie vočnaj staŭki, nie praviedzienyja ŭ suviazi z admovaj paddanych Šviecyi źjavicca ŭ śledčaje ŭpraŭleńnie. Kančatkovyja pracesualnyja rašeńni ŭ dačynieńni da hramadzian Biełarusi, jakija prachodziać pa kryminalnaj spravie, buduć pryniaty tolki paśla ŭniasieńnia poŭnaj jasnaści ŭ abstaviny rasśledavanaha złačynstva», paviedamiła ŭ piatnicu pres-słužba KDB.