Za minułuju piatnicu i vychadnyja dni ŭ avaryjach zahinuła 18 čałaviek
Kala 600 kiroŭcaŭ byli zatrymanyja niećviarozymi.
Za minułuju piatnicu i vychadnyja dni na darohach Biełarusi zarehistravana 749 DTZ z materyjalnym uronam, paviedamlaje sajt MUS. Ździejśniena 51 DTZ, u jakich 18 čałaviek (u tym liku 3 niepaŭnaletnich pasažyra) zahinuli, 56 atrymali ranieńni.
Śmiarotnyja traŭmy ŭ DTZ atrymali čatyry piešachody, adzin viełasipiedyst; vosiem kiroŭcaŭ i piać pasažyraŭ u vyniku troch pierakulvańniaŭ, troch łabavych sutyknieńniaŭ i čatyroch najezdaŭ na pieraškodu.
Za kiravańnie transpartnymi srodkami ŭ stanie apjanieńnia zatrymana 598 vadzicielaŭ. Za pieravyšeńnie chutkasnych režymaŭ ruchu aštrafavana 5.906 kiroŭcaŭ. 1.755 piešachodaŭ pryciahnuty da adkaznaści za parušeńnie praviłaŭ darožnaha ruchu, ź ich 527 za adsutnaść śviatłoadbivalnych elemientaŭ u ciomny čas sutak. Praihnaravali abaviazkovaje vykarystańnie ramianioŭ biaśpieki 1.406 kiroŭcaŭ i pasažyraŭ.