ES budzie pracavać z Makiejem u tym ža farmacie, što i z Martynavym
Makieja mohuć vyklučyć vosieńniu z «čornaha śpisu» nieŭjaznych.
Jeŭrasajuz budzie pracavać z novym kiraŭnikom MZS Biełarusi Uładzimiram Makiejem u tym ža farmacie, što i ź jaho papiarednikam Siarhiejem Martynavym. Pra heta BiełaPAN paviedamiła
«My adznačyli pryznačeńnie prezidentam Biełarusi Uładzimira Makieja na pasadu ministra zamiežnych spraŭ. Makiej zaraz traplaje pad abmiežavalnyja miery ES.
U kantekście budučaha pierahladu abmiežavalnych mier (heta vosieńniu) Jeŭrasajuz acenić jaho status»,— skazała pradstaŭnik viarchoŭnaha kamisara ES pa pytańniach źniešniaj palityki i palityki biaśpieki.
Jeŭrasajuz «iznoŭ paćviardžaje prychilnaść palitycy krytyčnaha ŭzajemadziejańnia ź Biełaruśsiu i znoŭ zajaŭlaje pra svajo abaviazacielstva pa ŭmacavańni ŭzajemadziejańnia ź biełaruskim narodam i hramadzianskaj supolnaściu, padtrymcy demakratyčnych pamknieńniaŭ biełarusaŭ». ES «budzie nastojvać na nieadkładnym i biezumoŭnym vyzvaleńni ŭsich palitźniavolenych i ich reabilitacyi».
Kiraŭnik Administracyi prezidenta Uładzimir Makiej byŭ pryznačany ministram zamiežnych spraŭ 20 žniŭnia. Siarhiej Martynaŭ vyzvaleny ad pasady «ŭ suviazi ź pierachodam na inšuju pracu».