Łukašenka zapatrabavaŭ ad Makieja palepšyć imidž Biełarusi za miažoj
Praca pa palapšeńni pazityŭnaha ŭsprymańnia Biełarusi za miažoj, dasiahnieńnia lepšaj paznavalnaści krainy ŭ śviecie patrabuje jakasnaha praryvu.Ab hetym zajaviŭ Alaksandr Łukašenka 22 žniŭnia, pradstaŭlajučy na pasadzie novaha ministra zamiežnych spraŭ Uładzimira Makieja, paviedamili ŭ
«Nie treba bajacca havaryć pra Biełaruś va ŭvieś hołas, uździejničajučy na metavyja aŭdytoryi, niahledziačy na ŭsiu krytyku i isteryju z boku. Bo što važna dla prostaha jeŭrapiejskaha abyvaciela? Usio prosta: stupień hramadskaj biaśpieki, stan navakolnaha asiarodździa, nadziejnaść dziaržaŭnych miežaŭ z punktu hledžańnia ščylnaha zasłonu ad złačynnych transhraničnych prajavaŭ, stabilnaść u susiedziaŭ, — adznačyŭ Łukašenka.
«I nam tut jość čym hanarycca i pra što kazać: Biełaruś źjaŭlajecca nadziejnym i pradkazalnym partnioram, donaram mižnarodnaj biaśpieki i stabilnaści»,— skazaŭ jon, nahadaŭšy, što Biełaruś doŭhi čas na vysokim uzroŭni zabiaśpiečvaje tranzit, u tym liku enierhietyčny dla Jeŭropy, niasie vializny ciažar vydatkaŭ pa baraćbie ź nielehalnaj mihracyjaj, handlem ludźmi, niezakonnym abarotam narkotykaŭ i ŭzbrajeńniaŭ.