Na trasie Minsk — Hrodna ŭ tumanie sutyknulisia piać aŭtamašyn

Jak paviedamili va ŭpraŭleńni DAI UUS Hrodzienskaha abłvykankama, ranicaj 22 žniŭnia na 263-m kiłamietry trasy Minsk — Hrodna kala vioski Siŭkava «BMV» vyjechaŭ na sustrečnuju pałasu ruchu i sutyknuŭsia z «Mazdaj». Ubačyŭšy pa chodzie ruchu raźbityja mašyny, kiroŭca mukavozu «MAZ» spyniŭsia, i ŭ hruzavik urezaŭsia aŭtapojezd «Skanija».

U trecim DTZ vinavaty kiroŭca «UAZa», jaki vioz rabočych na abjekt. Jon ubačyŭ paznačanaje miesca zdareńnia, znak avaryjnaha prypynku, mašyny, što stajali napieradzie, ludziej kala ich, razhubiŭsia i ŭrezaŭsia ŭ «Mazdu». Ledź nie zdaryłasia i čaćviortaje DTZ. Adkinutaja ŭ pravy bok «Mazda» źbiła z noh fielčara chutkaj dapamohi i ledź nie naskočyła na kiroŭcy, jaki lažaŭ la pravaha koła.

Kamientary da artykuła