Jermakova ličyć, što čaćviorty tranš kredytu JeŭrAzES da kanca hoda «ŭ nas budzie»
Biełaruś čakaje pastupleńnia čaćviortaha tranša kredytu Antykryzisnaha fondu JeŭrAzES da kanca 2012 hoda.Ab hetym paviedamiła siońnia žurnalistam staršynia praŭleńnia Nacyjanalnaha banka Nadzieja Jermakova.
Čakańni ad pieramovaŭ z Antykryzisnym fondam JeŭrAzES z nahody čaćviortaha tranša dla Biełarusi stanoŭčyja, adznačyła kiraŭnik Nacbanka. «Pakazčyki, nieabchodnyja dla atrymańnia hetaha tranša, u asnoŭnym vykonvajucca», — skazała jana.
«Što tyčycca pryvatyzacyi, hetaje pytańnie taksama abmiarkoŭvajecca. Pryvatyzacyja nie pavinna być samametaj. Pradać — heta, napeŭna, samy prosty varyjant. A što heta daść? Tamu, kali ŭsio astatniaje ŭrehulavana i zbałansavana, moža, hetaja pryvatyzacyja siońnia i nie patrebna,taja, jakuju chtości chacieŭ by bačyć «, — padkreśliła kiraŭnik Nacbanka.
«Da kanca hoda čaćviorty tranš pastupić. Va ŭsiakim vypadku, my ličym, što jon u nas budzie», — skazała Nadzieja Jermakova.
Z ulikam hetaha tranšu płanujecca i ŭzrovień zołatavalutnych reziervaŭ na kaniec hoda — 8,2 młrd. dalaraŭ,dadała jana.