U Oršy hałasavać zaprašajuć niabožčykaŭ, pryčym 27 vieraśnia — fota
A Bialackaha zaprasili prahałasavać u Minsku.
Takija zaprašeńni rassyłaje ŭčastkovaja kamisija № 1 pa Aršanskaj haradskoj akruzie № 26.
Napiaredadni zaprašeńnie ŭziać udzieł u hałasavańni dasłali na mienski adras Alesia Bialackaha, jaki, jak viadoma, znachodzicca ŭ źniavoleńni.
Takija zaprašeńni rassyłaje vybarnikam učastkovaja kamisija № 1 pa Aršanskaj haradzkoj akruzie № 26. Voś taki listok dastała sa svajoj paštovaj skryni žycharka Voršy Hanna Čumajeva, jakaja pražyvaje pa vulicy 1-ja Čyrvonaja.
Jak paviedamlaje kampanija «Pravaabaroncy za svabodnyja vybary», z čatyroch čałaviek, čyje proźviščy značacca ŭ hetym zaprašeńni i ŭniesieny ŭ śpis vybarnikaŭ, dvoje ŭžo daŭno nie žyvuć i nie zarehistravanyja pa hetym adrasie, jašče adzin užo niekalki hadoŭ maje inšaje proźvišča. Usich ich zaprašajuć pryjści na vybary 27 vieraśnia 2012 h, a nie 23-ha, kali adbuducca vybary.
U susiedniuju kvateru čalcy kamisii prynieśli zaprašeńnie ŭziać udzieł u vybarach niabožčyku Michaiłu Astroŭskamu. I taksama 27 vieraśnia.
Pa słovach naziralnika ad BCHK Vasila Bieraśnieva usio, što možna było parušyć ŭ składańni śpisaŭ vybaršnikaŭ i raspaŭsiudzie zaprašeńniaŭ, učastkovaj kamisijaj parušana. Zrazumieła, pry takoj «jakasnaj» pracy kamisijaŭ havaryć ab prazrystych i sumlennych vybarach nie davodzicca.
Napiaredadni zaprašeńnie ŭziać udzieł u hałasavańni dasłali na mienski adras Alesia Bialackaha, jaki, jak viadoma, znachodzicca ŭ źniavoleńni.