Skončana rasśledavańnie spravy Juryja Dorna
U Śledčym kamitecie Biełarusi zavieršana rasśledavańnie kryminalnaj spravy ŭ dačynieńni da staršyni Iudziejskaha relihijnaha abjadnańnia Juryja Dorna. Ciapier jon i jaho advakat znajomiacca z materyjałami.Paśla hetaha jany buduć nakiravanyja prakuroru dla pryniaćcia rašeńnia ab pieradačy spravy ŭ sud.
Jak paviedamiŭ načalnik adździeła infarmacyi i hramadskich suviaziaŭ SK Pavieł Traulka, Dornu pradjaŭlena abvinavačańnie pa siami artykułach Kryminalnaha kodeksa:č. 3 art. 430 (atrymańnie chabaru ŭ asabliva bujnym pamiery); č. 3 art. 426, č. 2 art. 426 i č. 1 art. 426 (pieravyšeńnie ŭłady ci słužbovych paŭnamoctvaŭ); č. 2 art. 243 (uchileńnie ad vypłaty sum padatkaŭ, zboraŭ, jakoje paciahnuła pryčynieńnie škody ŭ asabliva bujnym pamiery); č. 2 art. 377 (kradziež, źniščeńnie, paškodžańnie abo ŭtojvańnie dakumientaŭ, štampaŭ, piačatak, kradziež błankaŭ); č. 1 art. 427 (słužbovaja padłoh).
Nahadajem, kryminalnaja sprava pavodle č. 3 art. 430 KK była raspačataja ŭ dačynieńni da Dorna Śledčym kamitetam Biełarusi ŭ sakaviku hetaha hoda.
Tady paviedamlałasia, što Dorn byŭ zatrymany pry atrymańni niezakonnaj hrašovaj uznaharody ad adnaho z kiraŭnikoŭ subjektaŭ haspadarańnia. Ustanoŭlena, što, źjaŭlajučysia słužbovaj asobaj, adkaznaj za vykanańnie