Niezaležnyja naziralniki: prahałasavaŭ 21 vybarščyk, a ŭ pratakole — 115
Fiksujucca razychodžańni ŭ padlikach kolkaści vybarcaŭ.
U miežach prajekta «Nazirańnie za vybarami: teoryja i praktyka» 20 vieraśnia na šerahu vybarčych učastkaŭ dla daterminovaha hałasavańnia niezaležnyja naziralniki zafiksavali ŭsplosk aktyŭnaści vybarcaŭ.
Na ŭčastku №365 ŭ Frunzienskaj vybarčaj akruzie №101 stalicy naziralniki naličyli tolki 21 vybarca. U vynikovym ža pratakole hetaja ličba była ŭ piać razoŭ bolšaj — 115.
Na ŭčastku №595 va Uschodniaj vybarčaj akruzie №107 Minska, jaki raźmiaščajecca ŭ Politechničnym kaledžy, studenty ŭ pierapynku pamiž zaniatkami stvaryli čerhi pry hałasavańni. Za 20 vieraśnia tam prahałasavali 124 čałavieki, a za dva papiarednija dni — udvaja mienš. Pa słovach naziralnikaŭ, kiravaŭ hetym pracesam naziralnik ad «Biełaj Rusi», jaki źjaŭlajecca i vykładčykam kaledža.