Pasoł Reniery: Francuzskich inviestycyj u Biełaruś pakul čakać nie varta
Francuzskija pradprymalniki znachodziacca ŭ režymie čakańnia adnosna inviestavańnia ŭ biełaruskuju ekanomiku,zajaviŭ pasoł Francyi Mišel Reniery na adkryćci Dzion frankafonnaha kino 27 vieraśnia ŭ Mahilovie.
«Francuzskija pradprymalniki bajalisia inviestavać u Biełaruś letaś, kali była devalvacyja. Zaraz ža ŭ Francyi vialiki kryzis jeŭrazony.Mnie zdajecca, što pakul francuzskija inviestary, francuzskija pradprymalniki znachodziacca ŭ pracesie čakańnia», — zajaviŭ pasoł.
Pavodle jaho słoŭ, tavaraabarot pamiž dźviuma krainami za 2011 hod skłaŭ usiaho 245 młn. jeŭra. «Treba zrabić bolš. Ja pracuju nad hetym. Heta zajmaje ad 30 da 50% majho pracoŭnaha času. Ja naviedaŭ usie harady, svabodnyja ekanamičnyja zony, ale dahetul biez dobraha vyniku», — zaznačyŭ Mišel Reniery.
Pavodle słoŭ pasła, jość niekatoryja prajekty, u pryvatnaści ŭ sielskaj haspadarcy, jakija jon pastarajecca realizavać da kanca svajoj misii ŭ Biełarusi, jakaja zavieršycca da leta 2013 hoda.