Ekanomika raście, salda – u minusie
U čaćvier ministar statystyki Biełarusi Ŭładzimier Zinoŭski padvioŭ vyniki pracy ekanomiki za pieršy kvartał 2007 hodu.
U čaćvier ministar statystyki Biełarusi Ŭładzimier Zinoŭski padvioŭ vyniki pracy ekanomiki za pieršy kvartał 2007 hodu.
U cełym, jak adznačyŭ ministar, ekanomika zachavała stanoŭčyja pakazčyki. Praktyčna va ŭsich sferach ekanomiki adbyvajecca rost. VUP za pieršy kvartał hetaha hodu vyras na 8,4% u paraŭnańni z takim samym terminam letaś. Bolšaja ličba tłumačycca adnosna ciopłaj zimoj i palitykaj ekanomii enerhii. Uładzimier Zaleŭski adznačyŭ, što kali b nie napružańnie ŭ pytańni pastavak paliva z Rasiei, to takaja b ličba mahła b skłaści 10%.
Pavodle Ministerstva statystyki ledźvie nie adzinaj sferaj, dzie nie nazirajecca rostu pakazčykaŭ, stała charčovaja pramysłovaść. Najpierš heta tłumačycca tym, što biełaruski cukar pierastali puskać u Rasiei. Vytvorčaść cukru sioleta skłała tolki 27% ad analahičnaha pakazčyka minułaha hodu.
Praciahvajecca rost budaŭnictva žylla. Zinoŭski adznačyŭ, što, na žal, niahledziačy na tempy budaŭnictva, imkliva praciahvajuć raści i ceny na žyllo.
Zatoje salda zamiežnaha handlu znachodzicca ŭ hłybokim minusie, jaki pavialičyŭsia ŭ paraŭnańni ź minułym hodam. Tak, admoŭnaje salda zamiežnaha handlu siońnia składaje 659 miljonaŭ dalaraŭ, a admoŭnaje salda ŭ handli z Rasiejaj jašče bolšaje – 795 miljonaŭ dalaraŭ. Čynoŭniki rastłumačyli heta tym, što bolš, čym u dva razy ŭzraśli ceny na haz.
Letaś Biełaruś mieła handlovyja dačynieńni z 143 krainami śvietu. Adznačałasia, što najchutčej raście handal z azijackimi krainami – Pakistanam, Saudaŭskaj Arabijaj, Syryjaj, Vijetnamam.
Kolkaść stratnych pradpryjemstvaŭ u paraŭnańni ź minułym hodam skaraciłasia na 243 adzinki. Adnak nie było skazana, ci hetyja pradpryjemstvy pačali prynosić prybytak, ci prosta byli začynienyja. Z ahulnaj kolkaści biełaruskich pradpryjemstvaŭ 22,6% (2400 pradpryjemstvaŭ) stratnyja. Najbolšy pakazčyk stratnych pradpryjemstvaŭ u budaŭničaj sfery (29,6) i pramysłovaści (26,3).
Realnyja hrašovyja dachody nasielnictva pavialičylisia na 13,5%, choć zarobki — tolki na 9,8%. Roźnicu ŭ hetych pakazčykach zabiaśpiečyli pradprymalniki, valutnyja aperacyi, prodaž majomaści. Siaredni zarobak u Biełarusi siońnia składaje 614 tysiač rubloŭ (287 dalaraŭ ZŠA). U naftaapracoŭčaj sfery siaredni zarobak składaje 1100 tysiač rubloŭ, u budaŭničaj sfery – 747 tysiač, u adukacyi – 527 tysiač, u sielskaj haspadarcy – 335 tysiač. Razryŭ pamiž dachodami 10% samych bahatymi i 10% samych biednych vyras da 5,6 razoŭ. Pamier siaredniaj pensii 278 tysiač rubloŭ (130 dalaraŭ).
Upieršyniu za apošni čas pačała pavialičvacca naradžalnaści i padać śmiarotnaść. U paraŭnańni ź minułym hodam za hety čas naradziłasia na 1400 dziaciej bolš, a pamierła na 1800 čałaviek mieniej. Nasielnictva Biełarusi ciapier składaje krychu bolš za 9 miljonaŭ 700 tysiač žycharoŭ. Heta na 600 tysiač mieniej, čym jano było ŭ 1994 hodzie.
Praterminovanaja zapazyčanaść biełaruskich pradpryjemstvaŭ siońnia składaje 4,8 tryljona rubloŭ. Zapazyčanaść u pramysłovaści składaje 1,8 tryljona rubloŭ, u sielskaj haspadarcy – 1 tryljon, u budaŭničaj sfery – 282 miljardy, u transparcie – 179 miljardaŭ.
Taksama ministar pryznaŭsia, što dzie‑nidzie pa krainie praktykujecca padača niesapraŭdnaj infarmacyi. Najpierš heta tyčycca raźliku pradpryjemstvaŭ pa zarobkach.
Uładzimier Zinoŭski prapanavaŭ žurnalistam čaściej źbiracca i pravodzić pres‑kanferencyi sa specyjalistami Minstatu. Na prapanovu pravodzić štotydniovyja bryfinhi ministar adkazaŭ, što nam i pracavać tady nia budzie kali.