Łukašenkaŭskuju Kampartyju Biełarusi ŭznačaliŭ pieršy namieśnik staršyni Minharvykankama

Na plenumie CK Kampartyi Biełarusi namieśnik staršyni Minharvykankama Ihar Karpienka siońnia abrany 1-m sakratarom CK, źmianiŭšy na hetaj pasadzie Taćcianu Hołubievu.

«Majo abrańnie 1-m sakratarom CK Kampartyi Biełarusi ja ŭsprymaju jak vysokuju adkaznaść za dalejšaje pastupalnaje raźvićcio partyi, umacavańnie jaje aŭtarytetu i ŭpłyvu ŭ struktury dziaržavy, a taksama na mižnarodnaj arenie.

Alaksandr Łukašenka nadaŭ asablivuju ŭvahu farmiravańniu partyjnaj sistemy. I kali my havorym pra svaju paznavalnaść u narodzie, nam treba razumieć, što nieabchodna asacyjavacca ŭ rozumach ludziej pierš za ŭsio z kankretnaj prahramaj», — padkreśliŭ Ihar Karpienka.

Biuro CK pryniało rašeńnie ŭznaharodzić byłoha 1-ha sakratara CK Taćcianu Hołubievu partyjnym znakam «Viernaść» za praviedzienuju pracu. Taksama pryniaty prajekt pastanovy plenuma CK Kampartyi Biełarusi «Ab 95-hodździ Vialikaj Kastryčnickaj sacyjalistyčnaj revalucyi».

Kamientary da artykuła