BIEŁ Ł RUS

Makiej: «Łabavyja ataki» Zachadu na Biełaruś i Rasiju pad vyhladam pravaabarončaj tematyki pačaścilisia

30.10.2012 / 10:54

Ministr zamiežnych spraŭ Biełarusi Uładzimir Makiej adznačaje, što «łabavyja ataki» Zachadu na Biełaruś i Rasiju pad vyhladam pravaabarončaj tematyki pačaścilisia. Pra heta jon zajaviŭ siońnia na adkryćci čarhovaha sumiesnaha pasiadžeńnia kalehii MZS Biełarusi i kalehii MZS Rasii.

Jak adznačyŭ Uładzimir Makiej, biełaruska-rasijskaje dypłamatyčnaje ŭzajemadziejańnie adnosicca da tych abłaściej supracoŭnictva, dzie na praciahu šerahu hadoŭ asabliva nahladna paćviardžajecca vysoki ŭzrovień sajuźnickich adnosin pamiž dźviuma krainami. «Dziakujučy rehularnamu dyjałohu, daviernym znosinam nam atrymlivajecca efiektyŭna kaardynavać sumiesnyja namahańni na roznych viektarach. Heta, u svaju čarhu, pracuje na ŭmacavańnie našych pazicyj z zamiežnymi partniorami, na prasoŭvańnie ahulnych intaresaŭ Biełarusi i Rasii na šmatbakovych placoŭkach», — skazaŭ biełaruski ministr.

Uładzimir Makiej taksama nazvaŭ niekalki asnoŭnych tem paradku dnia siońniašniaha pasiadžeńnia. «Pierš za ŭsio, surjoznuju zakłapočanaść vyklikajuć łabavyja ataki Zachadu na nas pa pravaabarončych aśpiektach, što aktyvizavalisia apošnim časam, sproby maksimalna palityzavać i instrumientalizavać ich.

Pryčym, zusim nie ź idealistyčnych pamknieńniaŭ, a vyklučna ŭ metach prasoŭvańnia ŭłasnych hieapalityčnych intaresaŭ i na fonie tatalnaha zamoŭčvańnia deficytaŭ u hetaj śfiery ŭ siabie doma. Jak nam zdajecca, tut jość šyrokaje pole dla sumiesnaj dziejnaści, — skazaŭ kiraŭnik MZS Biełarusi. —
Mabyć, pryjšoŭ čas razam z našymi adnadumcami bolš aktyŭna, kreatyŭna i nastupalna akcentavać zhadanyja deficyty ŭ tych, chto nas najbolš zaŭziata krytykuje» .

Na dumku ministra, u viadomaj miery hety pasył možna adnieści i da prablematyki, źviazanaj z sprobami niekatorych krain falsifikavać vyniki Druhoj suśvietnaj vajny. U suviazi z hetym Uładzimir Makiej ličyć važnym pavysić sistemnaść i zabiaśpiečyć ciesnuju kaardynacyju dziejańniaŭ dźviuch krain na hetym kirunku.

Čytajcie taksama:

Kamientary da artykuła